cc blog: 2008

2008年9月23日星期二

正清仔仔一歲了!!

上星期五同正清仔仔慶祝生日，帶了他一齊去食自助餐，正確來說是帶他去睇住我地食自助餐。
不過亞b都好開心o架, 因為當日收到好多禮物, 仔仔尤其喜歡叔叔送的玩具車，簡直愛不釋手。

2008年5月27日星期二

阿仔開始出牙仔

仔仔今日流勁多口水,
原來正在開始出牙仔,
由於吽唔到出嚟，
所以只係見到兩條白線凸出來。

仲有係亞仔十分貪玩,
成日掛住玩唔肯瞓，十分得意，
又十分攞命。

2008年3月17日星期一

2008年3月16日星期日

2008年2月10日星期日

正清的笑臉

一直以來，我也十分想用相機拍下正清的笑容，因為他每次大笑都會把口張得大大的，顯得十分開心。但每次我一舉起相機向著他，他便會停止笑容，然後好奇地望著相機鏡頭，結果當然係笑臉拍不成。但係響昨日年初三，終於任務成功了！

2008年2月7日星期四

正清向各位拜年

希望各位uncle、auntie、哥哥、姐姐、小朋友，在鼠年充滿喜樂、健健康康、主恩常伴！

2008年2月3日星期日

2008年2月2日星期六

今日香港破了寒冷天氣警告的長時間紀錄 (>205 小時) ，真係凍到好利害。好在早兩日去咗幫亞仔買咗個暖爐，如果唔係真係冷親仔仔。

提起早兩日買暖爐時，在氣溫得九度之下，全沙田一爐難求，成個新城市廣場一期所有電器鋪都冇暖爐賣，真係連陳列品都比人買走埋，原本放暖爐的位置只餘下一片空間，及大堆失望及焦急的父母 (真係好多人問：『重有無暖爐賣？』)。

好在最後在西田電器部買到。當時都幾危急，幾乎買唔到。我離遠見到個店員開箱，正要攞o的暖爐出來賣，我立即衝o埋去，大叫：『我要一部!!!!!』結果，我終於比我買到部暖爐。真係感到好開心及安心，正清媽媽重開心到眼濕濕，因為佢都好擔心會凍親仔仔。我買完之後，成個店剩下最後兩部，我估好快都會比人掃o埋。